موجودہ حالات میں آپ سب کی خدمت میں میرا ایک دردمندانہ مشورہ ضرور ہے:
مسلمانانِ ہند سوشل میڈیا کا استعمال انتہائی احتیاط سے کریں، اب تک میری معلومات کے مطابق 3 مسلم نوجوان جس میں ایک نوجوان طالبہ ہے گرفتار ہوچکے ہیں، انڈیا پاکستان جنگ میں ان پر پاکستان سے ہمدردی کا الزام ہے!
بلکہ میں تو بہت سختی سے مشورہ دوں گا کہ آپ اس سلسلے میں سوشل میڈیا پر کچھ بھی نہ لکھیں، جو ماہر اور تجربہ کار ہیں جنہیں قانون اور ڈپلومیسی کی باریکیوں کا علم ہے ان کو لکھنے دیں، ایسے حالات میں کیا لکھنا ہے اور کیسے لکھنا ہے یہ بھی ایک نازک مہارت ہے، ایک فن ہے، "روشنائی کی سرخی بھی اور سیاہی بھی آسمانی ہونی چاہیے"
سب کے پاس سوشل میڈیا اکاؤنٹ ہے اس کا مطلب یہ نہیں کہ ہر ایک کو اب اپنی اپنی رائے لکھنا ضروری ہے ۔ موجودہ بھارت میں سسٹم اور ہندوتوادی عناصر بھی آپکی تاک میں رہتے ہیں ۔ یہ مشورہ سبھی نوجوانوں اور سوشل میڈیا صارفین کے لیے ہے۔
اس سلسلے میں اپنے تجربات کی روشنی میں مزید یہ کہنا چاہتا ہوں کہ طلبائے مدارس کو تو سوشل میڈیا دیکھنا بھی نہیں چاہیے، کیونکہ اکثر دیکھا گیا ہے کہ طلبا انتہائی جوش و خروش میں کچھ بھی کمینٹ کردیتے ہیں اور پوری مدرسہ برادری پر الزام آجاتا ہے اور گھر والے سالہاسال پریشان ہوتے ہیں ۔ اور اب تو ہوم منسٹری نے تمام ریاستی حکومتوں کو ایمرجنسی اختیارات بھی استعمال کرنے کی اجازت دے دی ہے ۔
اس لیے اپنی ملت کے سبھی سوشل میڈیا صارفین سے اپیل کرتا ہوں کہ اس موضوع سے بہت دور رہیں، آپکا مطلب ٹھیک بھی ہو تو بھی کسی نہ کسی کمزور پہلو میں کچھ نہ کچھ غیر قانونی نکال لیا جاتا ہے ۔ یہ ایسا موقع ہے جب نہ کوئی وکیل نہ کوئی آئینی ادارہ آپکی اخلاقی حمایت کی جرآت کرےگا۔
✍️: SAMIULLAH KHAN
Maujooda halaat mein aap sab ki khidmat mein mera ek dardmandana mashwara zaroor hai:
Musulmanaan-e-Hind social media ka istemaal intehai ehtiyat se karein, ab tak meri malumaat ke mutabiq 3 Muslim naujawan jis mein ek naujawan taliba hai giraftar ho chuke hain, India Pakistan jang mein in par Pakistan se hamdardi ka ilzaam hai!
Balke main toh bahut sakhti se mashwara doonga ke aap is silsile mein social media par kuch bhi na likhein, jo mahir aur tajurba-kaar hain jinhein qanoon aur diplomacy ki bareekiyon ka ilm hai unko likhne dein, aise halaat mein kya likhna hai aur kaise likhna hai yeh bhi ek nazuk maharat hai, ek fun hai, "roshnai ki surkhi bhi aur siyahi bhi aasmani honi chahiye."
Sab ke paas social media account hai iska matlab yeh nahi ke har ek ko ab apni apni rai likhna zaroori hai. Maujooda Bharat mein system aur Hindutvawadi anasir bhi aapki taak mein rehte hain. Yeh mashwara sabhi naujawanon aur social media sarifeen ke liye hai.
Is silsile mein apne tajurbaat ki roshni mein mazeed yeh kehna chahta hoon ke tullaba-e-madaris ko toh social media dekhna bhi nahi chahiye, kyunke aksar dekha gaya hai ke tullaba intehai josh-o-kharosh mein kuch bhi comment kar dete hain aur poori madrasa biradari par ilzaam aa jata hai aur ghar wale saalha-saal pareshan hote hain. Aur ab toh Home Ministry ne tamam riyasati hukumaton ko emergency ikhtiyaraat bhi istemaal karne ki ijazat de di hai.
Is liye apni millat ke sabhi social media sarifeen se appeal karta hoon ke is mauzoo se bahut door rahein, aapka matlab theek bhi ho toh bhi kisi na kisi kamzor pehlu mein kuch na kuch ghair-qanooni nikaal liya jata hai. Yeh aisa mauqa hai jab na koi wakeel na koi aaini idara aapki akhlaqi himayat ki jura'at karega.